Hvar get ég farið í genapróf?

Fljótlegast er að skrá sig á arfgerd.is og óska eftir að fá að vita hvort maður sé með erfðabreytu 999del5 eða BRCA2. Ef grunur leikur á að einhver önnur erfðabreyta sé til staðar þarf að þarf að panta tíma hjá Erfðaráðgjöfinni á Landspítalanum í síma 543-5070.

Arfgerd.is

Árið 2018 setti Íslensk erfðagreining upp síðu þar sem fólk getur athugað hvort það sé með BRCA2 genagalla, nánar tiltekið 999del5 erfðabreytuna. Vert er þó að taka fram að þessi erfðabreyta er bara BRCA2, aðrar BRCA erfðabreytur finnast ekki í gegnum arfgerd.is.
Ef upp kemur hjá Arfgerd.is að þú sért með erfðabreytu 999del5 er næsta skref að fá tíma hjá erfðaráðgjöf Landspítalans.

Erfðaráðgjöf Landspítala - Erfða-og  sameindalæknisfræðideild

Í dag fara margir til erfðaráðgjafarinnar vitandi að þeir séu með erfðbreytu 999del5 skv. arfgerd.is. Þetta er þó nær undantekningarlaust staðfest með blóðprufu hjá erfðaráðgjöfinni.

Leiki grunur á um aðra erfðabreytut.d. BRCA1 er nauðsynlegt að leita til erfðaráðgjafa Landspítalans til að fá staðfestingu.