Greiðsluþáttaka Sjúkratrygginga

Það er nauðsynlegt að taka saman þau réttindi og þjónustu sem er í boði fyrir BRCA arfbera og markmiðið er að hafa þær upplýsingar hér.
Þetta er mikilvægt til að standa vörð um þau réttindi sem fyrir hendi eru og hluti af starfi Brakkasamtakanna er að beita sér fyrir eflingu þeirrar þjónustu sem BRCA arfberum stendur, eða á að standa, til boða.

Sjúkratryggingar Íslands

Tilgangur greiðsluþáttökukerfi sjúkratrygginga er að lækka útgjöld þeirra einstaklinga sem þurfa að sækja læknaþjónustu ítrekað og ef ekki væri fyrir greiðsluþáttöku væru margir að greiða háar fjárhæðir fyrir læknaþjónust.

Fram til mitt árið 2018 gátu konur ekki valið að fara í brjóstnám á einkareknum stofum hér á landi þegar biðlistar voru langir á Landsspítalanum. Aftur á móti gátu konur þá valið einkareknar stofur erlendis, jafnvel með sömu læknum og voru að bjóða upp á þessa þjónustu hér á landi. Núna hefur þessu verið breytt og konur geta valið hvort þær fara á Landsspítalann eða Klínikina í brjóstnám og uppbyggingu.

Í öllum tilvikum þurfa einstaklingar að fá vottorð, eða hafa uppáskrifað frá lækni að þörg sé á greiðsluþáttöku frá Sjúkratryggingum.

Sjá nánar:

www.sjukra.is

Ferðakostnaður

Almennt fær brakkafólk niðurgreiddar tvær ferðir á ári til að sækja læknaþjónustu vegna BRCA, ef sú þjónusta sem þau eru að sækja er ekki í þeirra heimabyggð.

Nauðynlegt er að vita að sækja þarf um greiðslu ÁÐUR en ferð er farin (nema bráðatilvik sé um að ræða). Sækja þarf um hjá lækni í sinni heimabyggð (t.d. heimilislækni) og senda þarf eyðublað til sýslumanns, sem sendir það áfram til Sjúkratrygginga. Þegar heim er komið þarf staðfestingu á komu til læknis og kvittanir fyrir fargjaldi

Sjúkratryggingar greiða 2/3 hluta kostnaðar, greiðsluhluti sjúklings er þó aldrei hærri en 1500 kr. fyrir hverja ferð.

Sjá nánar:

www.sjukra.is/ferdakostnadur

Símatími ferðakostnaður hjá sjúkratyggingum er á milli 10-12 alla daga.

Eyðublað vegna ferðakostnaðar

Hjálpartæki eftir brjóstnám:

Aðgerðar brjóstarahaldarar

Þegar konur hafa lokið brjóstnámi og eru að hefja uppbyggingu á nýjum brjóstum á hún að fá niðurgreidda tvo aðgerðar brjóstarahaldara. Beiðni þarf þó alltaf að koma frá lækni viðkomandi og berast til Sjúkratrygginga.

Aðgerðarhaldarar eru mjög misjafnir.

Aðgerðarhaldararnir sem eru í boði eru mjög misjafnir og frá mörgum framleiðendum. Mikilvægt er fyrir konur að fara og máta það sem er í boði og velja það sem hentar best. Þeir staðir sem selja aðgerðarbrjóstarahaldara eru, Eirberg, Fastus og Stoð. Á öllum þessum stöðum er best ef pantaður er tími fyrirfram til að fá að skoða og máta haldara, en það er gert öllu jöfnu í lokuðu rými og eiga allar þessar konur sem taka á móti ykkur það sameiginlegt að vera einstaklega þægilegar í samskiptum.

Eirberg

Eirberg er með þrýstingsbrjóstarahaldara frá Anita Care

Fastus

Fastus er með þrýstingsbrjóstarahaldara .

Í einum að þeirra þrýstingshöldurumum er pláss fyrir gervibrjóst.

Stoð

Stoð býður upp á ýmsan þrýsingsfatnað eftir aðgerðir.

Gervibrjóst

Margar konur enda flatar eða eru tímabundið flatar á meðan á meðferðum stendur. Allar konur sem eru flatar, hvort sem það er á einu brjósti eða báðu eiga rétt á gervibrjósti. Beiðni þarf þó að koma frá lækni þess efnis og berast til sjúkratrygginga.

Gervibrjóst og fleygar eru mjög misjafnir og gerðir fyrir mismunandi aðstæður.

Til eru álímd gerfibrjóst, sem passa þá undir hvaða brjóstarahaldara og föt, svo eru aðrir sem er stungið í brjóstarahaldarann. Þá eru einhverjir gerðir til að fara í sund og þola mikið vatnsálag, en flestir þola þeir að blotna eitthvað.

Mikilvægt að máta og prufa.

Eirberg og Stoð selja gervibrjóst og fleyga. Mjög mikilvægt að skoða úrvalið sem er í boði og velja það sem hentar hverju sinni.