Karlar og brca

Við sem greinumst með BRCA-erfðagalla köllum okkur gjarnan Brakkaarfbera. Það að greinast með erfðagallann er ekki auðvelt, en reynum þó að líta á það þannig að þekkingin gefi okkur aukið vald. Vald til að fylgjast með og bregðast við fyrr en ella.

Hvað nú?

Hafir þú greinst með BRCA-erfðagalla í gegnum arfgerd.is þarft þú að panta tíma hjá Erfðaráðgjöfinni í síma 543-5070 eða esd@landspitali.is. Erfðaráðgjöfin staðfestir þá  niðurstöðurnar með blóðprufu og svo er farið yfir hvað BRCA genagalli er, hver sé ættarsagan og hvað næst.

Erfðaráðgjöfin pantar fyrsta tíma hjá þvagfæraskurðlækni.
Áður en fyrsti tíminn hjá þvagfæraskurðlækni er þá venjan að fara í blóðprufu þar sem skoðuð eru gildi PSA (prostate-specific antigen). Þvagfæraskurðlæknir metur síðan í framhaldi hvenær eftirlit byrjar og hvernig því sé háttað.

Venjan er að karlmenn hefji aukið eftirlit um fertugt.

Eins og fyrr segir er eftirlit metið hverju sinni eftir einstaklingum. En flestir fara í blóðprufu árlega þar sem fylgst er með gildum einstaklingsins.

Við mælum með að þú skoðir fræðslu og réttindamál BRCA (hægt að skoða hér á síðunni). Fróðleikur er máttur og tilgangur síðunnar að auka fróðleik fyrir alla.

Einnig er mjög góð fræðsla  hér á síðunni.